AINARO, 26 Jullu 2026

Primeiru-Ministru (PM) Kay Rala Xanana Gusmão hala’o observasaun direta bá progresu implementasaun projetu Reabilitasaun Estrada Urbana iha Município Ainaro, domingu (26/07).

Projetu Reabilitasaun Estrada Urbana iha Ainaro ofisialmente lansa iha 14 Fevereiru 2026, no to’o oras ne’e empreza implementadora sira kontinua halo servisu iha terrenu tuir planu ne’ebé hatuur ona.

Pakote I kobre reabilitasaun estrada Ainaro Vila ho estensaun 6.058,02 metru, ne’ebé implementa hosi kompañia Fortuna Start Unipessoal, Lda., tuir Númeru Kontratu SSS/009/MOP-2026. Projetu ne’e ho valór kontratu $4,324,875.82, ho durasaun implementasaun fulan neen, no hetan fiskalizasaun hosi ekipa tékniku Ministériu Obras Públikas.

Enkuantu Pakote II kobre reabilitasaun estrada urbana Ainaro Vila ho estensaun 6.193,25 metru, ne’ebé responsabiliza hosi kompañia Riqueza Gavinto Unipessoal, Lda., tuir Númeru Kontratu SSS/010/MOP-2026. Projetu ida-ne’e mós ho valór kontratu $4,324,875.82, durasaun implementasaun fulan neen, no fiskaliza hosi Ministériu Obras Públikas.

Durante vizita ne’e, PM Xanana haree direta progresu servisu iha terrenu no hetan esplikasaun hosi ekipa téknika kona-bá implementasaun projetu.

Iha observasaun ne’e, PM Xanana akompaña hosi Prezidente Autoridade Munisipál Ainaro, Manuela Carmo Bucar Corte-Real, deputada Maria Gorumali Barreto no deputada Cedelízia Faria dos Santos.

Fontes: (Média-GPM)