Ainaro : Segunda-feira, 02 Fevereiro 2026 – Exelencia Presidente Autoridade Munisipio Ainaro Sra. Manuela Georgina Carmo Bucar Corte-Real, Partisipa iha Serimonia Isar Bandeira Nasional Semana Primeiro, Fulan Fevereiro iha Edifisiu Autoridade Munisipio Ainaro.

Diskursu husi inspektor da Serimonia SECAM Administrasaun e Financas Senor Ruivo Barros Magno “Husu Ba Kargu Xefia no funsionario Publiku sira atu marka prezensa iha Sermonia Isar Bandeira kada fulan, tanba menus partisipasaun husi Funsionario publiku Sira. No mos konselho Ministro deside ona atu uza motivo tais iha serimonia importante sira. No kada sexta-feira tenki hala’o limpeza, tanba agora dadaun moras dengue sa’e makas.

Nune’e mos inspektor da serimonia hatutan tan katak iha loron sexta-feira semana kotuk, ekipa husi MOP hala’o ona enkontru ho Autoridade Munisipio Ainaro hodi hala’o preparasaun ba lansamentu estrada urbana iha Ainaro, ne’ebe maka sei akontese iha loron 13 fulan Fevereiro tinan ne’e. Tanba sei marka presensa husi Sua Exelensia Primeiro Ministro no Sua Exelencia Ministro Obras Publicas.

Enkuantu iha Serimonia ne’e, Partisipa husi Secretario Servisu Munisipal, Diretores Servisu Munisipais, Delagasaun Teritorial, komandante PNTL Munisipio Ainaro ho Estrutura, Xefe Departamento Administrador Postu Administrativu Ainaro, no Funsionario Publiku.

Media PAM