Ainaro : Tersa-Feira, 10 de Marsu de 2026
Exelençia Presidente Autoridade Munisípio Ainaro, Sra. Manuela Georgina Carmo Bucar Corte-Real, hala’o aprezentasaun kona ba Profile Munisípio Ainaro, Vizaun no Misaun ba Sua Exelençia Primeiru Ministru RDTL Kay Rala Xanana Gusmão ho Komitiva iha Vizita Ofisial mai Munisipio Ainaro, hodi hare besik progresu Servisu Munisípal husi resultadu Avaliasaun kondisaun Minimu ne’ebé hala’o husi Ministério Administrasaun Estatal, (MAE).
Exelençia Presidente Autoridade Munisípio Ainaro, relata mos informasaun kona ba Planu Dezenvolvimentu Munisipal Ainaro ba 2026 ate 2030, Forsa de Trabalho ne’ebe maka existe iha Munisipio Ainaro, Planu Asaun Anual 2026, Programa Orsamentu, Estrutura Conselho Consultivu (CCM), Conselho Coordenasaun Munisipal (CCM), Sector kapital Dezenvolvimentu Social, Programa ne’ebe maka implementa iha Munisipio Ainaro maka hanesan merenda eskolar, infraestrutura, edukasaun, fasilidade saude, indikador rasiu profisional saude, taxa kobertura, Inkluzaun social no solidaridade social, sector dezenvolvimentu infraestrutura, sector dezenvolvimentu ekonomia, implementasaun projetu PDIM 2023-2026, Progresu servisu Agrikultura, Saúde, Eduksaun no Programa sira seluk. Nune’e mos valor defende Inkluzividade, transparasia no responsabilidade, Ekuidade no Justisa, Sustentabilidade Integridade, no Profisionalismu Viabilidade Ekonomika, Eransa Kultural, identidade no estadu de direitu.
Nune’e mos Sua Exelençia Ministru Administrasaun Estatal (MAE), Tomas do Rozario Cabral hato’o resultadu avaliasaun kondisaun minimu husi ekipa tekniku MAE, iha tinan kotuk, maka hanesan rekomendasaun espesifiku ba Autoridade Munisipio Ainaro katak, presija hala’o koordenasaun husi SECAM ho Diretor servisu Munisipal sira, no mos Diretor sira tenki Obedese ba Orientasaun husi Presidente Autoridade Munisipio Ainaro, evita intervensaun husi politika iha governasaun Munisipal, no tenki atualiza informasaun, dadus iha Postu Administrativu no Munisipal, kria sistema kontrolu Finaseiru ba gestaun Finaseiru, Aprovizionamentu, no mos iha rekomendasaun husi Cãmara das Contas atu publika materia no programa ne’ebe hala’o ona iha Portal Munisipal, Munisipio tenki hadia sistema administrasaun no expediente, presiza organiza servisu tuir administrasaun no baze legal ne’ebe iha, inklui hadia jestaun arkivu.
Sua Exelençia Primeiru Ministru RDTL Kay Rala Xanana Gusmão, husu Autoridade Munisipio Ainaro, atu evita intervensaun politika iha governasaun lokal, evita familiarismu, Sukuizmu tanba impede prosesu dezenvolvimentu iha munisipio ne’e rasik. No labele gasta arbiru orsamentu estadu, tenki iha planu konkreitu molok ezekuta, no husu ba povu Ainaro ,tenki hamutuk hodi hanoin dezenvolve Ainaro, tau interese partidu iha kotuk, povu Ainaro tenki unidus iha planu, Unidus iha Asaun,no unidus iha objetivu.
Iha Dialogo ne’e, iha mos Sesaun husu no hatan husi komunidade sira, hato’o sira nia prekupasaun kona ba Saude, Edukasaun, Agrikultura, Prosesu atribuisaun projetu ba kompaña sira ne’ebé maka hetan kedas resposta husi membru governo relevante sira ho xefe governo rasik.
Enkuantu iha atividade partisipa husi Membru Parlamentu Nasional, Sua Exelençia Ministra Saúde, Sua Exelençia Ministra Edukasaun, Sua Exelençia Ministru MAPPF, Sua Exelencia Secretario Estadu Komunikasaun Social, Dirijentes MAE, PNTL- F-FDTL, Secretario Munisipal, Diretor Servisu Munisipal, Delegasaun Teritorial, Administrador Postu Administrativu ha’at, Xefe do Suku 21, Xefe Aldeia 131, Emprezario, Socialdade Sivil, Funsionario, Estudante no Komunidade sira.
Media PAM
