Ainaro : Kinta-feira, 16 de Abril de 2026

Exelençia Presidente Autoridade Munisipio Ainaro Sra.Manuela Georgina Carmo Bucar Corte-Real, akompanha husi Diretor Nasional Apoiu Dezenvolvimentu Munisipal, Señor Januario Magalhães, abertura Formasaun Integradu 2026, haforsa estrutura Munisipal liu husi Formasaun Planeamentu Instrumentu Dezenvolvimentu Munisipal, ne’ebe realiza husi Ministerio Administração Estatal, liu husi DNADM.

Exelençia Presidente Autoridade Munisípio Ainaro, hateten liu husi formasaun ida ne’e, bele profunda koiñesementu ba regras no servisu ne’ebé maka atribui mai Autoridade Munisipio Ainaro, agradese ba planu nasional nia regulamentu hodi fo akompaiñamentu iha prosesu Ezekusaun Orsamentu no planu tuir Dekreitu lei 34/2025 ne’ebe maka hetan alterasaun dala 6, liu husi Dekreitu lei 84, hodi hare ba ezekusaun Estratejiku ba Dezentralizasaun.

Diretor Nasonàl Apoiu Dezenvolvimentu Munisipal, Sr. Januario Magalhães hateten fo formasaun ba kargu Direjente Autoridade Munisipio Ainaro, hodi rona sira nia servisu, no gestaun planeamentu Munisipal liga liu ba iha Dekreitu Lei 34/2025, sexta alterasaun husi Dekreitu lei 84, konaba ba estatuto Administrasaun Munisipal Autoridade Munisipal. No mos konaba karakter tekniku dialogo aktivu entre aprezentador no partisipante sira. Alende ne’e mos iha loron segundu sei halo Vizita ba Diresaun servisu Munisipal Agensia Planeamentu, Diresaun servisu Munisipal Rekursu Humanos, Diresaun Servisu Munisipal Finanças no Diresaun Servisu Munisipal Aprovizionamentu .

Enkuantu iha Formasaun ne’e, Partisipa husi Secretario Munisipal, Diretor Servisu Munisipal, Chefe Departamentu no mos Administrador Postu Administrativu Ainaro, Administrador Postu Administrativu Maubisse, Administrador Postu Administrativu Hato-Udo no Hato-Builico.

Fontes : Media PAM