Ainaro : Kuarta-Feira, 29 Jullu 2026 – Exelensia Presidente Autoridade Municipio Ainaro hamutuk, ho Secretario Munisipal Assunto Sociais e Organizasaun, Diretor Servisu Munisipal, Diretor Delegasaun Territorial, Komandante PNTL Es-Quarda Maubisse, hala’o vizita trabalho iha Suku Horai-quic, Postu Administrativu Maubisse, Municipio Ainaro. hodi partilha programa IX Governo nian, liga liu ba servisu Autoridade Municipio nian, ba komunidade sira. Alende ne’e mos hodi rona direita preokupasaun no problemas ne’ebe mak komunidade sira hasoru iha baze.

Iha intervensaun, Exelensia Presidente Autoridade Munisipio Ainaro hateten, ohin ami ho komitiva mai iha suku Horai-quic, hanesan vizita de trabalho, hodi partilha servisu Autoridade Munisipio nian ba komunidade sira, liga liu ba iha Asuntu Sociais hanesan Infraestrutura ,Edukasaun, Saude, Dezastre Naturais, Asaun Social, Agrikultura no Cooperativa. Nune’e mos servisu Seguransa nian.

“ Hau kontenti tebes mai hamutuk ho imi hodi rona diteita preokupasaun husi inan,aman, veteranos no juventude sira relasiona ho problema no preokupasaun ne’ebe mak ita boot sira hasoru, nune’e ami bele tau iha planu hodi hato’o ba governo sentral’’.

Reprezentante Komunidade Suku Horai-Quic, hato’o mos sira nia preokupasaun kona ba, presiza aumenta professores iha eskola paralelo Quarema, hala’o estensaun ba konstrusaun foun ba Sede Suku Horai-quic. No halo kontrusaun foun ba postu Saude ida iha aldeia Hatossão no Quarema tanba distansia dook husi Sentru Saude Horai-Quic. Estrada Aldeia Hatossão no Quarema a’at, iha tempu udan susar atu asesu. Alende ne’e mos komunidade sira husu ba Ministerio Justisa no STAE atu fo atendementu ba tratamentu dokumentos sira hanesan Sertidauk RDTL, Bilete de Idenetidade (BI) no Kartaun Eleitoral (Bionmetrika) to’o iha nivel Suku tamba komunidade barak mak seidauk asesu ba dokumentos refere.

Enkuantu iha atividade ne’e, partisipa husi Chefe Gabinete Presidente Autoridade Munisipio Ainaro, Xefe Departamentu sira, Funsionario ,Xefe de Suku Horai-Quic, Xefe Aldeias, Lia-Nain, Veteranos, Juventude, Estudante no mos Komunidade sira

Fontes: Media PAM