Ainaro :Segunda-Feira, 29 Juñu 2026 – Exelénsia Presidente Autoridade Munisípiu Ainaro, Sra. Manuela Georgina Carmo Bucar Corte-Real, nu’udar Ezaminadora ba Semináriu Siensia Transforma Dezenvolvimentu ba Sosiedade, no Aprezentasaun Rezultadu Peskiza husi Estudantes Finalistas UNPAZ, iha Salaun Autoridade Município Ainaro.

Reprezenta Reitor UNPAZ, Dekanu Ekonomia hateten ‘Objetivu prinsipal husi Semináriu ne’e, maka durante fulan tolu, hamutuk ho Inan, Aman sira iha baze, hodi buka informasaun kona-ba problema sira ne’ebe maka komunidade sira hasoru ka infrenta iha Aldeia, Suku, iha Postu Administrativu 4, iha Munisípiu Ainaro. No estudantes hirak ne’e fila fali ba Dili, hodi prepara relatóriu, sei mai apresenta ba Autoridade Munisípiu Ainaro, Liu husi semináriu kona ba siênsia Transforma Dezenvolvimento ba sosiedade, hodi aprezenta resultadu durante Fulan tolu nia laran. No ezaminador nain lima (5) sei fo valor ba pesquiza ne’e.

Exelénsia Presidente Autoridade Munisípiu Ainaro hato’o Parabens ba UNPAZ, tanba halibur a’an hamutuk hodi halo aprezentasaun ba Ita boot sira nia Estajiu, konaba realidade moris Komunidade sira nian, mak sai targetu. No kuandu ita iha banku Universidade, ita hetan teória de’it. Ita tun iha terenu mak ita hare lolos realidade moris komunidade nian. Teoria ne’e ajuda ita atu komprende, oinsa maka ita atu fo solusaun ba kestioens sira ne’e, maka sai hanesan papel edukasaun nian.

Nune’e mos Exelencia Presidente Autoridade Munisípiu Ainaro Subliña tan, katak iha fulan hira ba kotuk, UNPAZ konvida PAM hotu ba simu ita bo’ot sira, nia resultadu ne’ebé maka furak tebes. No relatorio ne’ebe maka ami simu ne’e, demostra dunik moris komunidade nian. Liu husi ita boot sira nia resultadu ne’e bele moos ajuda Autoridade hodi koinese kle’an no realidade moris komunidade sira nian, ne’ebe mak Autoridade nia responsabilidade.

Enkuantu atividade ne’e marka prezensa husi Secretario Munisípal Administração e Finanças, Secretario Munisípal Assuntos Sociais, Diretor MSSI, Administrador Postu Administrativu Ainaro, Chefe de Suku Ainaro, no Chefe de Suku Mau-Ulo, ho Inan, Aman, Estudantes UNPAZ sira.

Fontes : Media PAM