• Ainaro, Iha kinta-feira, 20 Agostu 2026, hala’o serimónia Isar Bandeira Nasionál hodi Komemora Loron Levantamentu Mauchiga–Dare (20 Agosto 1982), ne’ebé hala’o iha Suku Mau-Chiga, Postu Administrativu Hatu-Builico, Municípiu Ainaro.

• Prezidente Autoridade Munisípiu Ainaro, Sra. Manuela Georgina Carmo Bucar Corte-Real, hanesan Inspetora Serimónia.

• Sra. Manuela fó hanoin hikas kona-ba sakrifísiu boot (isin, ran, no torturasaun) hosi funu-na’in sira ne’ebé luta ho esperansa ba independénsia. Nia mós husu ba estudante sira atu aprende ho badinas no aproveita ukun-an ne’e, tanba nasaun presiza ema matenek hodi kontinua dezenvolvimentu no fó valor ba inan-aman sira-nia sakrifísiu.

• Partisipante Sira: Serimónia ne’e hetan partisipasaun hosi Diretor Servisu Munisipal Logistika, xefe departamentu sira, Vise-Prezidente Konsellu Veteranus Ainaro, reprezentante CNC, PNTL, Administradór Postu Hato-Builico, xefe suku na’in 3, xefe aldeia, profesór, no estudante sira.

fonte: Media PAM.