Ainaro : Sexta -Feira, 22 de Maio de 2026
Exelencia Presidente Autoridade Munisipio Ainaro hanesan mos Presidente Conselho Consultivu Munisipal konvoka Reuniaun Conselho Consultivu Munisipal hodi diskuti no fo Apresiasaun ba Planu no Proposta 2027. Alende ne’e mos Planu Investimentu Munisipal 2025 – 2030.
Iha Entervensaun Presidente Conselho Consultivu Munisipal hateten Katak enkontru CCM ne’e importante Tebes hodi diskuti ba Futuro Munisipio Ainaro nian.
“Ohin ita hala’o Conselho Consultivu Munisipal (CCM) ne’e importante Tebes, hodi fo Apresiasaun no Aprovasaun ba Proposta Planu Asaun Anual 2027, Projetu PDIM, Projeitu PNDS 2027, no Planu Investimentu Munisipal 2025 to’o 2030. Tanba liu husi Conselho Consultivu hafoin iha legalidade nune’e Ita hodi Submete ba iha Nasional”. hateten Exelencia Presidente CCM iha Abertura.
Conselho Consultivu Munisipal Ainaro Aprova Proposta Asaun Anual 2027, no Projetu PDIM no PNDS 2027. Nune’e mos Planu Investimentu Munisipal 2025-2030. ho Votus a favor 22, kontra 0, Abstensaun 0.
Iha Sesaun ne’e Prezide direita husi Presidente Conselho Consultivu Munisipal, Sra Manuela Georgina Carmo Bucar Corte-Real, akompanha husi Membru Conselho Consultivu Munisipal, Membru Konselho Koordenasaun Munisipal no Xefe Departamentu sira , iha Salaun Autoridade Munisipio Ainaro.
Fontes : Media PAM
Ainaro : Kinta-feira,14 de Maio de 2026
Exelençia Presidente Autoridade Munisipio Ainaro Sra.Manuela Georgina Carmo Bucar Corte-Real, hamutuk ho Secretario Servisu Munisipal, Diretor Servisu Munisipal, Administrador Postu Administrativu ha’at , hala’o enkontru konaba Plano Mini-Comite Revizaun Orsamentu (CRO) 2027 , hodi halo diskusaun ba kategoria ha’at ne’ebe importante sei implementa iha Munisipio Ainaro
Iha intervensaun Exelençia Presidente Autoridade Munisipio Ainaro hateten, tuir pedidu husi Diresaun Servisu Munisipal sira ne’ebe maka submete mai , ho montante Orsamentu US$ 22.448,726, ne’ebe maka sei benefisia ba Salario Vensimentu, Bens de Servisu, Kapital Menor, Kapital Dezenvolvimentu, no Kondisões Públikus.
“Husu ba Diresaun Servisu Munisipal sira, tau konsiderasaun ba kategoria 4, ne’ebe maka bele fasilita servisu ita nian, iha tinan 2027, relasiona ho akordu inter-organiku ho Ministerio relevante sira no husu ba Servisu Munisipal Obras Publiku atu ezekuta servisu tuir kompetensia ne’ebe mak atribui ona. labele hein deit orientasaun foin mak tun ba iha terenu.
Alende ne’e mos, Exelençia Presidente Autoridade Munisipio Ainaro, husu ba Administrador Postu Administrativu haat wainhira akontese dezastre naturais ruma, tenki iha eskrita hodi hato’o mai, ami Autoridade Munisipio, ho nune’e bele submete ba iha Nasional hodi tau iha konsiderasaun. Labele haruka deit liu husi WhatsApp.
Nune’e mos Autoridade Masimu ne’e sublinha katak Sai hanesan lideransa, tenki iha planu ne’ebe diak, no pasensia, hodi rona ema seluk nia ideia no hanoin hodi nune’e, bele halo mudansa ba Munisípio Ainaro.
Ainaro : Sexta-Feira, 08 de Maio de 2026
Universidade da Paz (UNPAZ), liu husi Koordenador Programa Pratika Aprendisajen Kampu (PAK) entrega Estudante hamutuk 133 ba Exelencia Presidente Autoridade Munisipio Ainaro hodi Koloka ba Postu Administrativu Ainaro, Hato-Udo, Hato-Builico no Maubisse, hodi hala’o pratika no peskiza durante Fulan Ida.
Exelencia Presidente Autoridade Munisipio Ainaro Sra. Manuela Georgina Carmo Bucar Corte-Real, Agradese ba UNPAZ no Dosente sira, tanba nafatin fo mai Munisipio Ainaro, hanesan fatin no peskiza ba estudante sira.
“Tanba Pratika no peskiza ne’e importante tebes ba estudante sira atu adapta ho kondisaun Moris Komunidade sira nian. Tanba materia saida maka ita aprende iha sala laran, sei iha valor boot liu, bainhira aplika iha Situasaun real iha Komunidade ho seriedade hodi identifika ba saida mak povu sira hasoru”.
Nune’e mos Exelencia Presidente Autoridade Munisipio Ainaro husu ba Estudante Estajiadu sira, atu identifika potensialidade no problema ne’ebe mak Komunidade sira hasoru iha baze. Nune’e bele ajuda Autoridade hodi tau konsiderasaun iha Prosesu ba Planu Dezenvolvimentu Munisipal iha Futuro.
” Ita boot sira tenki hatudu atitudi diak iha Komunidade nia le’et, respeita imi nia a’an, Autoridade lokal no Komunidade sira, atu nune’e bele evita problema ou komflitu”.
Entertantu Estudante Estajiadu ne’e kompostu husi Fakuldade Ciensia Sociais e Humanos, Ekonomia, Direitu, Saude Publiku, Teknologia Agrikola, Engenaria no Ciencias Mericas
Fontes : Media PAM
Ainaro, 07 de Maio de 2026
Exelencia Presidente Autoridade Munisipio Ainaro Sra. Manuela Georgina Carmo Bucar Corte-Real Partisipa iha Lansamentu kampanha Nasional Plantasaun Bambu iha Munisipio Ainaro
Intervensaun Presidente Autoridade Munisipio Ainaro hateten “Munisipio Ainaro ho Topografia , Rai mamar be’e mos barak ho ida ne’e maka Sempre akontese erosaun, dezastre Naturais, ho introdusaun plantasaun Bambu bele konserva rai no fo Valor ekonomiku, tanba Bambu iha mos Multifikativu”.
Diretor Ezekutivu BAMBU hateten Ohin Ita halo Lansamentu Plantasaun Bambu iha Munisipio Ainaro, Tanba Ita hare ba Topografia. No ita sei kontinua ba iha Munisipio sira seluk.
Enkuantu iha atividade hala’o mos Reflorestasaun iha Area Tamhuk, Suku Soro, Postu Administrativu Ainaro, Munisipio Ainaro.
Fontes : Media PAM
Ainaro :Tersa-Feira, 5 de Maio de 2026 – Exelençia Presidente Autoridade Munisipio Ainaro Sra. Manuela Georgina Carmo Bucar Corte-Real, akompaña husi Diretor Jeral Ministerio Finanças Orsamentu Sr.Jose Alenxandre de Carvalho, Komandante PNTL Munisípio Ainaro, Superintendente Xefe Emilio dos Santos, Halao abertura enkontru konsulta sidadania ba orsamentu jeral Estadu 2027 no kestionariu survey konaba prioridade dezenvolvimentu iha Munisipio Ainaro,ne’ebe realiza husi Ministerio das Finanças liu husi Diresaun Jerál Planeamentu no Orsamentu.
Iha fatin hanesan Diretor Jeral Ministerio Finanças Orsamentu Sr.Jose Alenxandre de Carvalho, hateten, liu husi konsulta sidadania ida ne’e ho objetivu atu haforsa partisipasaun sidadaun sira nian, oinsa atu halibur hanoin no opiniaun husi sidadaun sira kona ba preparasaun orsamentu Jeral do Estadu (OJE) 2027, no promove sidadaun sira nia partisipasaun iha prosesu Orsamentu tinan 2027, liu husi identifikasaun no diskusaun konaba area prioridade sira ne’ebe importante ba Dezenvolvimentu. Nono Governo Konstituisional espera katak atu asegura ba sidadaun nia lian inklui desizaun estratejiku sira atu kria politiku no programa ne’ebé responde diak liu ba nesesidade prioritariu sira direita husi Munisipio ida ne’e. Husu mos diresaun sira ne’ebe existe iha Munisipio ida ne’e atu hare’e didiak planu ne’e, ba tinan rua (2) to’o tinan lima (5) .
Intervensaun Exelençia Presidente Autoridade Munisipio Ainaro Sra. Manuela Georgina Carmo Bucar Corte-Real hateten katak ekontru ida ne’e importante tebes, tanba ne’e husu ba liñas Ministeriais sira atu mai hamutuk iha ne’e hodi rona no hare didiak sector prioridade sira, ne’ebe orsida sei aprezenta, e husu mos diretores Servisu Munisipais sira atu rona didiak saida mak apresenta liga ba Pilar ha’at.Buat barak Governo Central liu husi MAE entrega ona mai ami Munisipio ami simu, husu ba Miniterio Planu Finanaças atu bele konsidera, dalaruma ami nia planu barak ami aprezenta maibe ba iha nasional Orsamentu la aprova.( Ao mesmu tempu loke abertura sorumutuk ne’e)
Enkuantu iha atividade ne’e halo aprezentasaun husi Diresaun Planeamentu Orsamentu Finanças, Diresaun Agrikultura, Edukasaun, Saude, Meiu Ambiente e Turismu BTL.EP.Marka mos prezensa iha sorumutuk ne’e ,Secretario Munisipal, Diretor Servisu Munisipal, Delegasaun Teritorial, Xefe Departamentu, Administrador Postu Administrativu Ha’at, Xefe do Suku, Membro Conselho Consultivu Munisipal, Professor no mos Estudante sira.
Fontes : Media PAM
Ainaro : Segunda-Feira, 04 Maio 2026
Exelençia Presidente Autoridade Munisípio Ainaro Sra.Manuela Georgina Carmo Bucar Corte-Real hala’o Reuniaun Konselho Koordenasaun Munisipal (CCM),hodi deskuti Proposta Orsamentu tinan 2027 iha Munisipio Ainaro.
Iha Abertura Exelençia Presidente Autoridade Munisipio Ainaro hateten, enkontru ne’e importante tebes ita hodi hare ba proposta orsamentu ba 2027, hodi halo aprovasaun husi Membro Conselho Coordenasaun,hafoin lori ba iha Konselho Konsultivu Munisipal .
Husu ba Diretor Servisu Munisipal sira atu aselera lalais ezekusaun orsamentu trimestre primeiro (Q1), nune’e hodi hatama relatorio. Alende ne’e mos kada Diresaun servisu munisipal ida-idak atu hatama ona pedidu Trimestre Segundu (Q2) nian. Tanba agora dadaun ita nia ezekusaun foin mak atinji 22%.
Enkunatu iha Reuniaun ne’e, hala’o iha salaun enkontru Autoridade Munisipio Ainaro. Marka prezensa husi Secretario Munisipal, Diretor Servisu Munisipal, Delegasaun Teritorial, Xefe Departamentu, Administrador Postu Administrativu ha’at ,Xefe do Suku.
Media : PAM
Ainaro ,22 de Abril 2026
Exelençia Presidente Autoridade Munisipio Ainaro Sra. Manuela Georgina Carmo Bucar Corte-Real ho Estrutura hala’o reuniaun ho Diretor Geral Dezentralizasaun Governo Lokal no Chefe Gabinete MAE hodi konfirma kona ba proposta rehabilitasaun Uma Antiga Koni iha Munisipio Ainaro.
Iha reuniaun ne’e, Exelençia Presidente Autoridade Munisipio Ainaro Sra. Manuela Georgina Carmo Bucar Corte-Real hamutuk ho Secretario Munisipal Administrasaun e Finanças, Secretario Munisipal PIDI no Diretor Servisu Munisipal PNDS no PDIM hala’o klarifikasaun relasiona ho Proposta no Servisu tekniku ba Rehabilitasaun Uma Antiga koni nian ba Salaun enkontru Autoridade Munisípio Ainaro.
Diretor Geral Dezentralizasaun Governo Lokal no Chefi Gabinete MAE fo kedas resposta no instrusaun klaru ba Klarifikasaun husi Exelençia Presidente Autoridade Munisipio Ainaro ho Estrutura. Alende ne’e husu ba ekipa tekniku PNDS atu bele tau atensaun didiak ba prosesu justifikasaun tekniku sira pertenenti sobre prosesu rehabilitasaun Uma Antiga Koni ba Salaun enkontru Autoridade Munisipio Ainaro.
Enkuantu depois de reuniaun, Secretario Servisu Munisipal hamutuk ho Diretor Servisu Munisipal PDIM, Diretor Servisu Munisipal PNDS ho Tekniku sira akompanha Diretor Geral Dezentralizasaun Governo Lokal no Chefi Gabinete MAE hodi ba observa direita progresu ba rehabilitasaun Uma Antiga Koni hanesan Salaun Autoridade Munisipio Ainaro.
Fontes : Mediaf PAM
Ainaro , 22 de Abril de 2026
Exelençia Presidente Autoridade Munisípio Ainaro Sra. Manuela Georgina Carmo Bucar Corte-Real, Partisipa iha Serimonia entrega servisu husi Komandante PNTL anterior ba Komandante PNTL Munisipio Ainaro Superintendente Xefe Emilio dos Santos.
Exelençia Presidente Autoridade Munisípio Ainaro, hato’o agradesementu ba Komandante PNTL Munisipio Ainaro sesante, durante servisu hamutuk hodi servi populasaun Ainaro durante tinan 2 ho balun, maske mosu problema oi-oin, maibe ita hamutuk hodi buka solusaun no resolve tia komplito entre komunidade . Ha’u nia benvindu ba mós komandante PNTL foun, espera katak ho ita boot nia prejensa bele kontinua servisu hamutuk ba nafatin hodi servi populasaun Municipio Ainaro. Alende hato’o mós kona ba sectores iha munisipio Ainaro mak hanesan Setor Sosiais, sektor Economia, Infraestrutrura liga ba dezenvolvimento Munisípio Ainaro, ne’ebe hala’o tia ona husi Kompañia 2 hanesan Fortuna Star no kompañia COVED, koanab estrada urbana no estrda nacional Cassa ba Zumalai.
Iha Fatin Hanesan Komandante PNTL Munisipio Ainaro Sesante Superintendente Luis da Silva, hateten durante tinan 2 ho balu servisu iha Munisipio Ainaro, sempre hala’o koordenasaun ho Autoridade Munisipal, Autoridade Lokal, Presidenete Konselho Veteranos Munisipio Ainaro, hodi hare ba situasaun no problema ne’ebe mak akontese hodi buka solusaun no resolve konflitu sira ne’ebe mak akontese iha munisipio Ainaro liga liu ba dezenvolvimentu. No durante ne’e ami nia atendementu mak la tuir ita boot sira nia hakarak karik, ha’u husu deskulpa. No espera katak ho prezensa komandante PNTL Munisípio Ainaro, foun Sr. Emilio dos Santos nian bele hala’o servisu diak liu tan.
Alende ne’e mós Komandante PNTL Munisipio Ainaro, foun Superintendente Xefe Emilio dos Santos husu Membru PNTL sira atu servi povu tuir lei no ordem, labele uza arma de fogu, hodi amiasa povu. No tenki respeita povu, hala’o koordenasaun no dialogo ho komunidade sira, atu nune’e labele mosu komflitu bebeik iha Munisipio Ainaro. No ha’u husu ba Veteranos sira nafatin hola parte iha dezenvolviemntu hodi kria estabilidade, tanba ita boot sira mak hari Nasaun Repúblika Demokratika de Timor-Leste.
Enkuantu Serimonia ne’e hala’o iha Komando PNTL Munisipio Ainaro. No Marka Prezensa husi Presidente Konselho Veteranos Munisipio Ainaro, Madre, Diretores Servisu Munisipal, Administrador Posto Administrativu, no Membro PNTL sira .
Fontes : Media PAM
Ainaro : Tersa-feira, 21 de Abril 2026
Exelençia Presidente Autoridade Munisípio Ainaro Sra. Manuela Georgina Carmo Bucar Corte-Real, partisipa aprezentasaun teste EGERA (Early Grade Erlyn Assesment) no EGMA ( Early Grade Mathematicks Assesment) ne’ebe realiza husi Ministerio da Edukasaun hala’o iha Munisipio Ainaro hamutuk Ekipa Pedagojika.
Exelençia Presidente Autoridade Munisípio Ainaro Sra. Manuela Georgina Carmo Bucar Corte-Real, hato’o benvindu ba sua exelençia Ministra Edukasaun ho ekipa mai iha Autoridade Munisipio Ainaro, fo mensagen ne’ebe maka diak hodi hadia kualidade edukasaun, Professores sira mak hanorin no prepara ita nia oan estudante sira sai matenek ba futuru aban bainrua nian. Tanba tuir avaliasaun katak ita iha difikuldade ba literasia no numerasia.
Sua Exelençia Ministra Edukasaun Dra.Dulce de Jesus Soares hateten Ekipa Pedagojika Sei halo aprezentasaun konaba mini resultadu teste literasia no numerasia. No prosesu teste ba literasia hakerek no le’e, no maneira ba prienxe numerasia nian.
Enkuantu iha atividade ne’e, Marka prezensa husi Secretario Munisipal Administrasaun e Financas, Diretor Servisu Munisipal Edukasaun, Diretor da Eskola , Coordenador da Eskola sira iha Munisipio Ainaro.
fontes : Media PAM
© 2026 Administração Município de Ainaro
