Ainaro : Kuarta- Feiraa, 10 de Dezembro 2025

Exelencia Presidente Autoridade Munisipio Ainaro Sra. Manuela Georgina Carmo Bucar Corte-Real hala’o Reniaun Konselho Koordenasaun Munisipal (CCM), hodi fo apresiasaun ba Planu Munisipal ne’ebe hala’o ona Konsultasaun publiku iha Postu administrativu ha’at, iha Munisipio Ainaro.

Iha abertura , Exelencia Presidente Autoridade Munisipio Ainaro hateten ‘enkontru Conselho Coordenasaun Munisipal ne’e, importante tebes, hodi fo ita nia apresiasaun ba Planu Dezenvolvimento Munisipal ba tinan 2025 – 2030, tanba ita liu husi prosesu ida naruk, primeiro ita halo Konsultasaun publiku ba posto administrativu ha’at, hodi identifika prioridade sira ne’ebe maka presija ita tau konsiderasaun , halo elaborasaun, ohin ita lori mai iha Konselho Koordenasaun Munisipal hodi fo apresiasaun ba planu Dezenvolvimento Munisipal.

Nune’e mos aprezentasaun husi Diretor Servisu Munisipal Agensia Planeamento Kona-ba Planu Dezenvolvimento Munisipal. No fo apresiasaun husi Exelencia Presidente Autoridade Munisipio Ainaro , no mos Membro Konselho Koordenasaun Munisipal . Hafoin Votasaun ba Planu Dezenvolvimento Munisipal 2025 – 2030, ho Alfavor 32, Kontra 0, Aptensaun 0.

Enkuantu iha atividade ne’e, Partisipa husi, Secretario Munisipal Asministrasaun e Financas , Secretario Munisipal PIDI, Diretor Jeral, Diretor Servisu Munisipal, Diretor Delagasaun Teritorial , Administrador Posto Administrativu ha’at, Xefi do Suku, no Chefi Departamento sira.

Media PAM