Leovigildo Amaral Pereira

If we continue to roam, with no strength to enforce the law right at the beginning of our independence, by the time corruption develops deep roots it will be most difficult to combat it

View Profile

Leovigildo Amaral Pereira | Ainaro Municipality Mayor

"If we continue to roam, with no strength to enforce the law right at the beginning of our independence, by the time corruption develops deep roots it will be most difficult to combat it"

Sr. Leogivildo Amaral Pereira moris iha dia 22 de janeiru de 1961, hoti ninia kursu de bacharelatu iha edukasaun no administrasaun públika husi Universidade Oriental (UNITAL), iha Díli, Timor-leste. Iha experiência profissional, senhor Leovigildo serbisu iha governo hanesan chefe departamento ba limpeja no saneamentu hahú husi outubro de 2016 – outubro de 2018. Iha fulan outubro 2018, senhor Leovigildo hetan fiar hodi okupa posisaun nudar diretor ajensia de planeamentu/PDIM to’o iha fulan fevereiru de 2021. Iha fulan fevereiru de 2021 senhor Leovigildo selecionadu hanesan presidente munisípiu de Ainaru.

View Profile
1. Jeografia

Ainaro mak munisípiu ida husi Timor-Leste, lokaliza iha parte central Timor nian, ne’ebé inklui husi conjunto de foho ne’ebé aas – iha munisípiu  ne’e rasik lokaliza foho tutun ne’ebé aas liu Timor, Foho Ramelau, ho valor 2960m altitude. Munisípiu ne’e halo fronteira ho Munisípiu Manatuto no Manufahi (este), Tasi Timor (sul), Munisípiu Bobonaro no Covalima (oeste) no Munisípiu Ermera no Aileu (norte). Ainaro iha postu administrativu 4 : Ainaro, Hato-Builico, Maubisse no Hato-Udo ne’ebé inklui 21 suku. Demográfikamente, Ainaro iha total de populasaun hamutuk 65,165 (projesaun 2019) no densidade populasaun mak 74,91 ba área 869.80 km2. Grupu de populasaun ida ne’e, koalia lian : Tetun, Mambae no iha grupu ki’ik balun koalia Bunak.

2. Toponímia

Hanesan mós ho munisípiu seluk, Ainaro mós iha signifikadu próprio ba naran munisípiu nian. Ainaro mai husi liafuan mambae ne’ebé kompostu husi liafuan rua : Ai+Naruk, katak iha ai-hun ida maka hamrik naruk iha rai Ainaro, naran Ai-Kapiri. Nune’e ho influensia husi portugueses sira, liafuan ‘Ainaruk’ sai Ainaro. Antes de naran ne’e mosu, tempu uluk ema bolun Ainaro ho naran Orluli. To’o agora lia-na’in sira sei temi naran ne’e, wainhira halo sergala (seremonia kultural) hodi simu bainaka importante ruma iha Ainaro.

3. Istória

Tuir istória, antes Portugues sira estabelese sira nian autoridade iha rai Ainaro, iha ona autoridade tradisional ne’ebé ukun. Iha tinan 1698, Governo Portugues introdús sira nia autoridade, liu husi Governador António Coelho Guerreiro. Iha tinan ne, sira começa halo intervenção ba Autoridade tradisional sira iha Timor, inklui iha Ainaro. Iha loron 20 de Abril de 1859, governador ne’e rasik estabelese 11 Distritu, Ainaro latama ia mapa 11 Distritu tanba sei halo parte ba Distritu Atsabe. Iha tinan 1908, liu husi Governador Oscar Ruas estabele komando militar, Ainaro mos sai hanesan komando militar ida. Liu tiha Segunda Guerra Mundial, Governador ne’e muda komando militar ne’e transforma fali ba Circuscriação Civil ne’ebé kompostu husi Postu administrativu Ainaro, Alas, Maubisse, Same, Turiscai, Hatu-Builico no Postu administrativu Hatu-Udi. Iha tempu okupasaun Indonésia, iha mudança ba SubDistritu Turiscai ne’ebé pasa fali ba iha Distritu Manufahi no SubDistritu Hato-Udo husi Distritu Manufahi pasa fali ba Ainaro, ho nune’e Distritu Ainaro, atual sai hanesan Munisípiu, iha Postu administrativu 4.

4. Klima

Em termos de klima, jeralmente, klima iha Munisípiu Ainaro hanesan ho mairia parte seluk iha Timor-Leste. Klima iha munisípiu ne’e fahe ba epoka rua: bai-loron, ne’ebé hahu husi julho to setembro ho temperatura aas liu 24,91C no mínimo 10,52C. Epoka udan, hahu husi Novembro too Junho.

5. Pontu Interese

Pontu interese husi munisípiu Ainaro inklui Foho Ramelau, Pousada Maubisse, Green Village Maubisse, Maubisse Waterfall, Nunmoge Waterfall.

Administrative post

Explore & get to know the municipality

Annual Plan

Year Proposed value Attachment
No data

Annual Budget Allocation

Year Budget Allocated
No data
Members

Meet Council Members

© 2020 Administration Municipality of Ainaro