Ainaro : Segunda-Feira, 28 Jullu 2026 – Exelensia Presidente Autoridade Munisipio Ainaro hamutuk, ho Secretario Munisipal Assunto Sociais e Organizasaun, Diretor Servisu Munisipal, Delegasaun Territorial, Komandante PNTL Es-Quarda Maubisse , hala’o Vizita Trabalho iha Suku Aituto, Postu Administrativu Maubisse, Munisipio Ainaro, hodi partilha programa IX governo nian, liga liu ba servisu Autoridade Munisipio nian, ba komunidade sira. Alende ne’e mos hodi rona direita preokupasaun no problema ne’ebe maka komunidade sira infrenta iha baze.

Iha intervensaun, Exelensia Presidente Autoridade Munisipio Ainaro hateten katak, ohin ha’u ho komitiva mai iha suku Aituto ne’e, hanesan vizita de trabalho, hodi partilha servisu Autoridade nian ba Komunidade sira, liga liu ba iha Asuntu Sociais hanesan Infraestrutura ,Edukasaun, Saude, , Dezastre Naturais, Asaun Social, Agrikultura no Cooperativa.

“ Hau kontenti tebes mai hamutuk ho ita boot sira hodi hare direita kondisaun ne’ebe mak ita boot sira hasoru. Ho nune’e mos hakarak rona direita husi inan,aman, Veteranos no juventude sira relasiona ho problema no preokupasaun ne’ebe mak ita boot sira hasoru, nune’e ami bele tau iha planu hodi hato’o ba governo sentral’’.

Reprezentante Komunidade Suku Aituto hato’o sira nia preokupasaun kona ba, Estrada husi Aldeia Rusulau , Airakalau no Goulolo mai to’o sede suku iha tempu udan susar atu asesu. Presiza dezenvolve mos area Turismu komunitario iha Suku Aituto. Nune’e mos halo konstrusaun foun ba Postu Saude iha aldeia tolu tanba dook husi Sede Suku. Komunidade aldeia tolu seidauk Asesu ba Linha Eletrisidade. Komunidade balun seidauk Asesu ba Be’e mos .Alende ne’e mos apoiu Material Desportu ba Juventude Suku Aituto.

Enkuantu iha atividade ne’e, Partisipa husi Xefe Departamentu sira, Funsionario , Reprezentante Administrador Postu Administrativu Maubisse Xefe de Suku Aituto ho Estrutura, Xefe Aldeias, Lia-Nain, Veteranos, Juventude no mos Komunidade sira.

Fontes : MEDIA PAM