Ainaro : Segunda-Feira, 29 Juñu 2026 – Autoridade Município Ainaro, simu apoiu fasilidade Edukasaun, Saude, SMASA no ekipamentus Desportu husi Sidade Amigo Ballarat Australia.

Reprezentante Ballarat Mr : Simmo Paul hateten, durante ne’e, ami apoiu ona ekipamentus ba Autoridade Municipio Ainaro, liu husi ema nia Container. Maibe agora mak apoiu tan ida ho Fasilidade ba Escola Primaria no Ensino Basico, Saude, SMASA, no ekipamentus desportu .

Exelençia Presidente Autoridade Municipio Ainaro, Agradese ba Sidade Amiga Ballarat Australia, nia apoiu hirak ne’e, bele responde ona ba nesesidade no fasilidade sira ne’ebe mak Autoridade Municipal seidauk preenxe no kompleta.

Nune’e mos Exelençia Presidente Autoridade Municipio Ainaro, subliña tan katak, durante Amigo Sidade Ballarat mos fó atensaun hela ba iha Edukasaun, Saude, Desporto no Hospitalidade.

Enkuantu iha atividade ne’e, partisipa husi Secretario Municipal Administrção e Finanças, Secretario Municipal Assuntos Sociais e Organizasaun, Diretor Servisu Municipal Saúde, Diretor Servisu Municipal Edukasaun, Chefe Departamentu Logistika, Administrador Postu Administrativu Ainaro.

Fontes : Media PAM