Hato-Udo: Tersa-Feira, 16 Dezembru 2025 -Reprezentante Presidente Autoridade Munisípiu Ainaro, Secretario Autoridade Munisipial Assunto Sosiais no Organizasaun Señór. Agostinho Doutel Sarmento akompaña husi Administradór Posto Administrativu Hato-Udo Señór Cegres Jelino P.J da Costa Tilman, Reprezenta Diretor PNDS, Reprezenta APC Munisípiu Ainaro, Polísia Es-Quadra Hato-Udo, Xefe do Suku Leolima, Xefe Aldeia, Ekipa PNDS Munisípiu Ainaro, ho Komunidade sira,hala’o Seremonia Entrega Projetu Rehabilitasaun loke Estrda foun 18 km iha Suku Leolima, Posto Administrativu Hato-Udo, Munisípiu Ainaro.
Projetu rehabilitasaun loke estrada foun Raibere to’o Aldeia Goulau ne’ebé implementa husi Programa Nacionál Dezenvolvimento Suku (PNDS), ho montante orsamento $ 63,400.00 no benefisiariu ne’ebé mak utiliza estrada refere hamutuk 862 habitantes.
SECAM Assunto Sosiais e Organizasaun, agradese ba IX Governu Konstitusionál liu husi Ministeriu Administrasaun Estatal fó apoiu Orsamento Adisional $ 63, 400.00 mai Autoridade Munisípiu Ainaro, hodi rehabilita ba estrada Raibere ba Goulau. Tamba durante ukun-an komunidade Goulau susar asesu ba estrada hodi lori sira nia produtu ba fan iha merkadu no susar asesu ba centru saúde. Ho nune’e husi rehabilitasaun estrada ne’e komunidade sira bele halo movimentu ho trasporte públiku no privadu.
Iha actividade ne’e entrega direta husi Diresaun PNDS Munisípiu Ainaro ba Autoridade Munisípiu Ainaro.
