PAM Hala’o Enkontru Ho Diretor STAE, Diretor Registu Notariadu no Diretor ONG.

Ainaro : Kinta-Feira, 23 Jullu 2026

Exelensia Presidenete Autoridade Munisipio Ainaro hala’o Surumutuk ho Diretor Registu Notariadu Municipio Ainaro, Diretor STAE Municipio Ainaro iha Sala Vizita PAM

Objetivu husi Surumutk ne’e, hodi Koordena Servisu Registu Notariadu no STAE kona-ba fo Atendementu dokumentus hanesan Sertidaun RDTL, Bilete de Identidade no mos Kartaun Eleitoral ba Sidadaun sira iha Municipio Ainaro.

Enkuantu iha surumutuk ne’e partisipa husi Diretor Servisu Munisipal ONG, Diretor Servisu Munisipal Registu Notariado e Cadestrais, Diretor Munisipal Konservatorio Servisu Registu e Notariado, Diretor STAE no Tekniku Apoiu Balkaun Uniku Munisipio Ainaro.

Fontes : Media PAM

Ainaro : Sexta-Feira, 17 Julo de 2026 – Exelensia Presidente Autoridade Munisipio Ainaro hamutuk, ho Secretario Munisipal Assunto Sociais e Organizasaun, Diretor Servisu Munisipal, Delegasaun Territorial, Komandante PNTL Es-Quarda Maubisse , Administrador Postu Administrativu Maubisse, hala’o Vizita Ofisial iha Suku Fatubessi, Postu Administrativu Maubisse, Munisipio Ainaro. hodi partilha programa IX governo nian, liga liu ba servisu Autoridade Munisipio nian, ba komunidade sira. Alende ne’e mos hodi rona direita preokupasaun no problema ne’ebe maka komunidade sira infrenta iha baze.

Iha intervensaun, Exelensia Presidente Autoridade Munisipio Ainaro hateten katak, ohin ha’u ho komitiva mai iha suku Fatubessi ne’e, hanesan vizita de trabalho, hodi partilha servisu Autoridade nian ba Komunidade sira, liga liu ba iha Asuntu Sociais hanesan Infraestrutura ,Edukasaun, Saude, , Dezastre Naturais, Asaun Social, Agrikultura no Cooperativa.

“ Hau kontenti tebes mai hamutuk ho ita boot sira hodi hare direita kondisaun ne’ebe mak ita boot sira hasoru. Ho nune’e mos hakarak rona direita husi inan,aman, Veteranos no juventude sira relasiona ho problema no preokupasaun ne’ebe mak ita boot sira hasoru, nune’e ami bele tau iha planu hodi hato’o ba governo sentral’’.

Reprezentante Komunidade Suku Fatubessi hato’o sira nia preokupasaun kona ba, Estrada hahu husi sede suku ba to’o iha baliza Fatubessi ho Maulau nian iha tempu udan susar atu asesu. Presiza dezenvolve mos area Turismu komunitario iha Suco Fatubessi. Nune’e mos halo konstrusaun foun ba eskola Fatubessi tanba eskola refere kondisaun la diak ona. Alende ne’e mos husu ba Ministerio Justisa no STAE atu fo atendementu Dokumentos Sertidauk RDTL, Bilete de Idenetidade no Kartaun Eleitoral ( Biometrika) to’o iha nivel Suku tanba Komunidade barak seidauk hetan ou asesu ba dokumtento refere.

Enkuantu iha atividade ne’e, Partisipa husi Chefe Gabinete Presidente Autoridade Munisipio Ainaro, , Xefe Departamentu sira, Funsionario ,Xefe de Suku Fatubessi, Xefe Aldeias, Lia-Nain, Veteranos, Juventude no mos Komunidade sira

Fontes : Media PAM

Ainaro : Kinta-Feira, 18 Jullu 2026 – Exelensia Presidente Autoridade Municipio Ainaro hamutuk, ho Secretario Munisipal Assunto Sociais e Organizasaun, Diretor Servisu Munisipal, Delegasaun Territorial, Komandante PNTL Es-Quarda Maubisse , Administrador Postu Administrativu Maubisse, hala’o Vizita Ofisial ba Suku Edi, Postu Administrativu Maubisse, Municipio Ainaro. hodi partilha programa IX governo nian, liga liu ba servisu Autoridade Munisipio nian, ba komunidade sira. Alende ne’e mos hodi rona direita preokupasaun no problema ne’ebe komunidade sira hasoru iha baze.

Iha intervensaun, Exelensia Presidente Autoridade Munisipio Ainaro hateten, ohin ha’u ho komitiva mai iha suku ida ne’e, hanesan vizita de trabalho, hodi partilha servisu Autoridade nian ba Komunidade sira, liga liu ba iha Asuntu Sociais hanesan Infraestrutura ,Edukasaun, Saude, Dezastre Naturais, Asaun Social, Agrikultura no Cooperativa.

“ Hau kontenti tebes, bele mai hamutuk ho ita boot sira hodi hare direita kondisaun ne’ebe ita boot sira infrenta. Ho nune’e mos hakarak rona direita husi inan,aman, veteranos no juventude sira relasiona ho problema no preokupasaun ne’ebe mak imi hasoru, nune’e ami bele tau iha planu hodi hato’o ba governo sentral’’.

Reprezentante Komunidade Suku Edi hato’o sira nia preokupasaun kona ba, Estrada hahu husi Entrada mai to’o iha Sede Suku no ba aldeia Talale, to’o iha suku Manetu, iha tempu udan susar atu asesu. No kondisaun Eskola EBF tolu iha Suku Edi kondisaun a’at ona, no menus Professores. Aldeia balu seidauk asesu ba linha eletrisidade.nune’e mos aldeia Talale susar asesu ba Linha Internet. Ami iha potensialidade ba area agrikultura maibe menus Formasaun. Alende ne’e mos husu ba Ministerio Justisa no STAE atu fo atendementu Dokumentos Sertidauk RDTL, Bilete de Idenetidade no Kartaun Eleitoral (Biometrika) to’o iha nivel Suku, tanba Komunidade barak seidauk asesu ba Dokumentus refere.

Enkuantu iha atividade ne’e, Partisipa husi Chefe Gabinete Presidente Autoridade Munisipio Ainaro, , Xefe Departamentu sira, Funsionario ,Xefe de Suku Edi, Xefe Aldeias, Lia-Nain, Veteranos, Juventude no mos Komunidade sira

Fontes : Media PAM

Ainaro : Sabado, 18 de Julho de 2026

Exelencia Presidente Autoridade Municipio Ainaro hamutuk ho Secretario Municipal Assunto Sociais e Organizasaun, Komandante PNTL Es-Quarda Maubisse,Diretora Kompanha Jacob Brites Unipessoal L.da, hala’o Lansamentu Primeiro Pedra ba Konstrusaun Sala tolu no Dapur ba Merenda iha Eskola EBF 1,2 Lobibo, Suku Edi, Postu Administrativu Maubisse, Municipio Ainaro.

Exelencia Presidente Autoridade Municipio Ainaro hateten ohin ita boot sira konvida ami mai iha fatin ida ne’e, hodi halo lansamentu primeiro pedra ba projetu konstrusaun Sala Sala tolu no Dapur ba Merenda ida ne’e importante tebes.tanba edukasaun mak sai baze ba dezenvolvimentu.

“ Husu ba Diretor Kompanaha atu implementa projetu ne’e, tuir kalendario no termina tuir tempu. Hodi nune’e bele fasilita Professores sira hodi hanorin estudante sira ho diak. Alende mos husu ba Professores Inan, Aman, Xefe suku no Administrador Postu Maubisse atu akompanha prosesu implementa projeto ne’e tuir tempo”.

Diretora Kompanha BENSA AU AMA Unipessoal Lda, Agradese ba IX Governo Konstituisional liu husi Ministerio da Edukasaun hodi fo fiar mai Kompanha hodi Implementasaun ba Projetu refere iha fatin ida ne’e.

Enkuantu iha Lasanmentu ba projetu refere hetan partisipasaun husi Chefe Gabinte Presidente Autoridade Munisipio Ainaro, Diretor Servisu Munisipal, Delegasaun Territorial, Xefe Departamentu, Funsionario, Professores no Inan Aman sira no Komunidade Sira.

Fontes : Media PAM

Ainaro : Segunda-Feira, 13 de Julho de 2026 – Exelensia Presidente Autoridade Munisipio Ainaro hamutuk, ho Secretario Munisipal Assunto Sociais e Organizasaun, Diretor Servisu Munisipal, Delegasaun Territorial, Komandante PNTL Munisipio Ainaro, Administrador Postu Administrativu Maubisse, hala’o Vizita Ofisial ba Suku Manetu, hodi rona direita preokupasaun no problema ne’ebe maka komunidade suku Manetu hasoru.

Iha intervensaun, Exelensia Presidente Autoridade Munisipio Ainaro hateten, ami reprezenta IX Governo Konstituisional, ne’ebé maka lidera husi Primeiro Ministro Kay Rala Xanana Gusmão (Avo Xanana ), ne’ebe maka tau prioridade no atensaun liu ba iha Infraestrutura bazikus, Be’e Mo’os , Eletrisidade, Estrada, Pontes, Saude no Agrikultura.

“ Kontenti tebes ohin mai iha suku Manetu hodi senti no hare direita kondisaun ne’ebé maka ita bo’ot sira hasoru. Ho nune’e ami hakarak rona direita husi Inan no Aman sira, relasiona ho problema no prekupasaun ita bo’ot sira hasoru. Nune’e ami bele tau iha planu, hodi bele hato’o ba iha Governo Central.

Reprezentante Komunidade Suku Manetu Señor Marcos Martins hato’o sira nia prekupasaun kona ba Estrada hahu husi aldeia Lemluli ne’ebe a’at to’o iha Estrada nacional liga Posto Administrativu Turiscai, inklui mos Ponte, no dalan balu iha tempo udan difisil atu asesu. Alende ne’e iha Aldeia ha’at mak seidaduk asesu ba Eletrisidade. Husu ba Parte Saude atu aumenta pessoal Saude ba iha Postu Saude Manetu. Komunidade Manetu Susar Asesu Be’e Mo’os. No Aumenta tan Eskola Ensino Basiku iha Eskola Manetu.

Enkuantu iha atividade ne’e, Partisipa husi Chefe Gabinete Presidente Autoridade Munisipio Ainaro, Komandante PNTL, Es-Quarda Maubisse, Xefe Departamentu sira, Funsionario ,Xefe do Suku Manelobas, Xefe Aldeia, Lia-Nain, Veteranos, Juventude no mos Komunidade sira.

Fontes Media :PAM

Ainaro : Tersa-Feira, 07 de Julho 2026 – Exelensia Presidente Autoridade Munisipio Ainaro, hamutuk ho Diretor Servisu Munisipal PDIM, Administrador Postu Administrativu Maubisse, Xefe do Suku Maubisse, Komandante PNTL Es-Quarda Maubisse, Diretora Kompanha LOKOBUI ZACMA Unupessoal Lda, hala’o lansamentu Primeiro Primeiro Pedra ba konstrusaun no Rehabilitasaun Merkadu Maubisse , Munisipio Ainaro.

Exelensia Presidente Autoridade Munisipio Ainaro, hateten Merkadu Maubisse reprezenta imagem Munisipio Ainaro, tanba antes ema tama mai Munisipio Ainaro primeiro liu husi Maubisse. Tanba ne’e maka Autoridade Munisipio Ainaro tau prioridade ba merkadu Maubisse hodi hadia kondisoes merkadu hodi fasilita negosiante sira atu hodi fa’an sasan no hamenus asidente trafiku humanos.

“Husu ba Administrador Postu Administrativu Maubisse, Xefe Aldeia no Komunidade sira atu akompanha prosesu konstrusaun Merkadu ne’e, atu nune’e kompanha bele ezekuta obra ne’e tuir kalendario de ezekusaun no tuir BOQ hodi garante kualidade no tuir tempu de kontratu”.PAM husu.

Diretora Kompanha LOKOBUI ZACMA Unipessoal Lda, agradese ba Governo tanba fo fiar mai kompanha hodi halo implementasaun ba konstrusaun merkadu Maubissse. Ami garante katak obra ne’e sei iha kualidade tuir BOQ no ami sei ezekuta tuir kalendario no tempu de kontratu .

Enkuantu Konstrusaun no Rehabilitasaun Merkadu Maubisse ho montante Orsamentu $ 480,928.37. ho durasaun fulan 6, hahu husi 03 de Junhu 2026 no remata iha 03 de Fevereiro de 2027.

Fontes : Media PAM

AUTORIDADE MUNISIPIO AINARO LANSA PRIMEIRO PEDRA BA KANALIZASAUN BE’E MO’OS IHA ALDEIA AITUTO, SUKU MULO, POSTU ADMINISTRATIVU HATO-BUILICO

Ainaro : Kuarta-Feira, 08 de Julho de 2026 – Exelensia Presidente Autoridade Munisipio Ainaro, hamutuk ho Secretario Munisipal Planeamentu Investimentu Dezenvolvimento Munisipal, Secretario Munisipal Assunto Sociais e Organizasaun, Diretor Servisu Munisipal PDIM, Diretor Servisu Munisipal SMASA, Diretor Servisu Munisipal Finansas, Reprezentante Diretor Servisu Munisipal PNDS, Xefe do Suku Mulo, Diretor Kompanha UNJEL Unipessoal Lda, hala’o lansamentu primeiro pedra ba kanalizasaun be’e mo’os iha Aldeia Aituto, Suku Mulo, Postu Administrativu Hato-Builico, Munisipio Ainaro.

Exelensia Presidente Autoridade Munisipio Ainaro, hateten tuir programa IX governo konstituisional tau prioridade ba Infraestrutura baziku hanesan be’e mo’os. Tanba ne’e iha 2025, ita atinji ona 72 % oferese be’e mo’os ba komunidade sira no 23 % mak seidauk asesu ba be’e mo’os. Ho nune’e maka iha tinan ida ne’e Autoridade Munisipio Ainaro tau prioridade no importansia hodi kanaliza no oferese be’e mo’os ba komunidade sira iha suku Mulo.

‘’Husu no Kompanha atu ezekuta obra refere tuir kalendario de Ezekusaun ne’ebé konkordansia ho Autoridade Munisipio Ainaro. No husu ba Diretor atu forma ekipa de Gestaun nune’e bele halo manutensaun ba be’e mo’os ne’e”. PAM husu

Diretor kompanha UNJEL Unipessoal Lda, agradese ba Autoridade Munisipio Ainaro, tanba fo fiar mai kompanha hodi implementa projetu refere. Ami garante sei la’o tuir prosendimentu sira ne’ebe iha termu de kontratu.

Enkuantu Kanalizasaun Be’e Mo’os iha aldeia Aituto suku Mulo, Postu administrativu Hato-Builico ho distancia 7 killo. Kompostu husi tanki bo’ot rua,inklui mos fatin fornesemntu 30. Imtek husi Suku Mulo ho Horai-Quick.

Fontes : Media PAM

Maubisse, 01 Jullu 2026

Autoridade Município Ainaro Representa PAM Secretario Assunto Finansas, Sercretario Assunto Planeamento, Diretor PDIM no Diretor SMASA hamutuk, Autoridade Lokal, ho PNTL Esquadra Maubisse halo Lansamento Primeira pedra ba Kanalizasaun sistema Bemo’os iha Aldeia Kartolo Suco Horai-Quic Posto Maubisse, ne’ebe implemameta husi Kompanha AITUT ANAN L.da.

Fontes: Media SMASA

Ainaro : Tersa-Feira, 30 Juñu 2026 – Autoridade Munisípio Ainaro, realiza enkontru Mensal ho Konsello Koordenasaun Munisipal (KKM). No kada Diretores Servisu Munisípal, halo aprezentasaun konaba progresu ezekusaun orsamental. progressu fiziku no dezafius sira, iha salaun enkontru Autoridade Munisípio Ainaro.

Exelénsia Presidente Autoridade Munisípio Ainaro, Sra. Manuela Georgina Carmo Bucar Corte-Real, hateten enkontru Konsello Koordenasaun Munisipal, ne’e importante tebes, hodi halo koordenasaun. atu nune’e diretores sira hodi aprezenta progresu de ezekusaun orsamental, dezafius ne’ebé maka ita boot sira hasoru iha prosesu de ezekusaun orsamental, no saida maka presiza intervensaun husi PAM ho Secretario nain tolu hodi buka solusaun ba dezafius sira ne’e.

Enkuantu iha atividade ne’e marka prezensa husi Secretario Munisipal Administração e Finanças, Secretario Munisipal Planeamentu Investimentu Dezenvolvimento Integradu (PIDI), Secretario Munisípal Assunto Sociais e Organização, Diretores Servisu Munisipal, Delegasaun Territorial, Administardor Postu Administrativu Ainaro, Maubisse, Hato-Udo no Postu Administrativu Hato-Builico, Chefe do Suku sira.

Fontes : Media PAM